Blogia

rosagalicia

LITERATURA UNIVERSAL

LITERATURA UNIVERSAL

Inauguramos un novo espazo de literatura universal no blog. E hoxe queremos render unha homenaxe á obra As ondas, da escritora británica Virginia Woolf, literata que viviu dende 1882 a 1941. Colgamos un comentario que esperamos que sexa do voso agrado para que así vos animedes a ler o libro que, por certo, está traducido á nosa lingua en Galaxia, na colección de Clásicos Universais.

As ondas é unha obra que conta a historia de seis compañeiros de estudos. Non obstante, o máis significativo é que todo o libro é un cúmulo de imaxes, metáforas, sinestesias, personificacións e comparacións, maxistralmente enfiadas. De feito, todas elas ensombrecen a historia que se está a contar, e que en ningún momento é o esencial da obra, porque o que a autora pretendeu foi sorprendernos cun apelo constante ós nosos sentidos.

Búscase un lector activo, atento, que descifre quen lle está a falar en cada intre, posto que o narrador é un ser enigmático, case un Deus Ex Machina, que incluso vai sufrindo metamorfoses en elementos da natureza ou entra noutros personaxes, e sempre deixando continua renda solta ó monólogo interior presente en toda a obra.

Non busquedes en As ondas unha historia convencional, unha trama, con inicio e desenlace, pois non o atoparedes. Todo o libro é unha chamada á percepción a través dun dominio excelso dos recursos estilísticos relacionados co plano do contido, e un canto á vida -sobre todo á natureza-, ó paso do tempo, e ó amor, cuxa ausencia nos converte en seres inertes.

Tampouco busquedes unha temporalidade ou un espazo definidos. Diriamos que só hai un marco espazo-temporal: o cosmos, un cosmos co que o ser humando está intimamente vencellado, e que todo el é unha eclosión constante de vida, e morte.

¿Y esta publicidad? Puedes eliminarla si quieres

Prensa en galego

-Para que esteades enterados de todo o que pasa na Galiza, ofrecémosvos varias páxinas da prensa que se está publicando na rede, e en galego: http://www.vieiros.com/http://www.anosaterra.org/,    http://www.galicia-hoxe.com/.

-Se as vosas dúbidas están relacionadas coa literatura en concreto, aí vos vai outra importante páxina: http://www.bvg.udc.es/.

-Dado que tamén podedes precisar tradutores, deixámosvos tamén o enderezo dun que, aínda que non é fabuloso, pode axudarvos bastante: http://sli.uvigo.es/tradutor/

-De precisardes un bo dicionario, atoparedes na páxina da AGAL (enderezo que xa recollo tamén no blog) o de Estraviz, co que ademais podedes practicar divertidos xogos de lingua. A este engado o dicionario de Ir Indo, cuxo enderezo é http://www.digalego.com/

Se necesitades calquera outra información, deixade as vosas peticións nos comentarios do blog.

Recomendacións libros de lectura

Recomendacións libros de lectura

Este ano os alumnos de 1º e 2º de bacharelato tiveron que ler varios libros de lectura. Estas son as calificacións que eles mesmos lles deron:

          -Moi boa: Resistencia (Rosa Aneiros), O sol do verán (Carlos Casares), Pepa A Loba (Carlos G. Reigosa), Os vellos non deben de namorarse (Castelao).

          -Regular: A cidade das chuvias (X. Fernández Ferreiro), O club da calceta (María Reimóndez).

          -Non tan boa: A esmorga (Blanco Amor), A quinta de Saler (Antón Riveiro Coello), Made in Galiza (Sechu Sende), Veu visitarme o mar (Rosa Aneiros).

 

Fabulosas fotos da paisaxe galega

Fabulosas fotos  da paisaxe galega

E dirán as malas linguas, que desas sempre houbo moitas, que a nosa terra non ten comparanza con outras aínda máis fermosas. Alegarán, sempre para desmerecernos, que é chuviosa, demasiado fría e morriñenta, inhóspita polas súas serras, apartada, isolada, atrasada, ... Pois, para todos eses maldicentes, aí vai unha fermosa antoloxía de fotos colgadas na rede na seguinte páxina:     http://contraluces.espacioblog.com/post/2009/03/05/presentacion. Que vos deleitedes con elas!!!!!

¿Y esta publicidad? Puedes eliminarla si quieres

Himno do Antigo Reino de Galicia

Himno do Antigo Reino de Galicia

Se queres escoitar o himno do Antigo Reino de Galicia, entra xa no seguinte enlace. Bule!!!!!!!!!!! Esta melodía transportarate ata as "esgrevias" terras da Costa da Morte, para sentires logo a húmida e salgada brisa que embriaga o noso litoral, a inqueda danza das enfurecidas ondas, o brillo insinuante das loucas augas do Arnoia, a chuvia saudosa que deixa estercada con pérolas a face da terra, ... O vizo dunha terra que chama por ti. http://www.youtube.com/watch?v=RlpSeNzsMCQ

PESSOA, UN MESTRE DA POESÍA

UN PORTAL QUE NOS ACHEGA Ó MUNDO LUSÓFONO

UN PORTAL QUE NOS ACHEGA Ó MUNDO LUSÓFONO

Pomos á túa disposición un enlace que che abrirá as portas a unha realidade que non podemos obviar, non xa por proximidade senón porque pertencemos a ela: o mundo lusófono . Neste enlace atoparás dicionarios, manuais, xogos ou opinións sobre variados temas relacionados co galego-portugués. O enderezo é: http://agal-gz.org/

¿Y esta publicidad? Puedes eliminarla si quieres